كل حلم شفته في غيابك رحل

طار سرب الاماني وانت وينك ! ,, ( بعيد)
كل حلم ٍ رسمته في غيابك رحل

كيف أعيد الاماني وارسمك من جديد
مابقا لامنياتي في غيابك محل

الاكيد اشتياقي وانت تدري اكيد !
في غيابك حبيبي كيف حالي نحل

المسافه تغنّي للبعاد وتزيد
والاماكن تدور للقا اي حل

ماخسر غير شاعر راس ماله قصيد
والقصايد عذارا والقوافي كحل

ايه ببكي لاني ماكسرت الجليد
جيت والشوق نار وعاجزه لاتحل

كنّك الي تماسك ( في عناده شديد)
كل ماقلت هانت هاجسي ينمحل

تستفيد الكواكب كيف ماتستفيد
ماتت الارض بعدك وانت ساكن ( زحل )

تتبعك كل ورده كيف مانته تريد
والفراشات حتى تتبعك والنحل

جاذبيه غريبه ليه ياذا الفريد
يتبعك ماي صافي وان سكن في وحل

لا اشرقت شمس كوني وانت منت بسعيد
يزعل النور لجلك للاسف يضمحل

ويتراكم ظلام الليل من كل بيد
ويسهر الليل شاعر مابقاله محل

لاتلوم الاماني دامك اصلاً بعيد
تعزف الشوق لحن لكل سربٍ رحل

» شوف .. حتى بـ/ غيابك [ مدحتك ] !!