بيهددني لو ماعملتش علاقة حرام معاه هو يعمل كده بره ومع غيري .... ساعدوني

بيهددني لو ماعملتش علاقة حرام معاه هو يعمل كده بره ومع غيري

المشكلة

السلام عليكم

أنا بنوتة لسه مخطوبة من قريب أوي، وكنت أعرف خطيبي قبل الخطوبة، وحاولت أغير فيه حاجات كتيرة كانت وحشة إلا حاجة واحدة؛ إنه كان متعود يعمل علاقات مع بنات مش كويسة، وأنا حاولت على قد ما أقدر إني أبعده عن الموضوع ده، بس هو بيقول إنه من أول ما عرفني إنه عمره ما كلم بنت أو أي علاقة.

بس فيه مشكلة كبيرة أوي اليومين دول إنه كل شوية يقول لي أنا عاوز أعمل معاكي كده، وأنا رفضت ده بشدة، واتخانقت معاه وقلت له إن أنا مش بتاعة الكلام ده، وهو بيهدنني إنه أنا لو مش عاوزة يبقى هو يعمل كده بره ومع غيري!

أنا عمري ما أقدر أبدا إني أعمل معاه حاجة زي دي أبدا، أنا باصلي وعارفة ربنا كويس وعارفة إن ده حرام في الأول.. وكمان غلطت لأني بانزّل من قيمة نفسي.

المشكلة إني عاوزة أبعده عن الطريق ده بأي شكل مهما حصل، بس مش على حساب نفسي طبعا على قد ما أقدر. أرجوكم ساعدوني، وأنا ولله بادعي له أوي إن ربنا يهديه، هو بني آدم طيب وكويس، وبيحكي لي على كل حاجة وعمره ما خبى عليّ حاجة بس دي الحاجة الوحيدة اللي خلت فيه مشكلات بيني وبينه. أرجوكم أنا عاوزة الرد ضروري وجزاكم الله كل خير..

حل المشكلة من وجهة نظر .... نادية نور

أما عن مشكلتك مع خطيبك فهي مع الأسف مشكلة حلها ليس في يدك كما يقول لك خطيبك بل حلها في يده هو، وهو أن يكون نفسه بسرعة ويجهز بيت الزوجية وفي الحلال، وبشرع الله يعمل اللي هو عاوزه.

وقبل كدا مستحيل يكون بيحبك وهو بيفكر يلوثك، ويحولك لفتاة من اللي بيعرفهم وطبعا مش ممكن يرتبط بك بعد أن توافقيه على اللي هو عاوزه؛ لأن البنت اللي تفرط في حقوقها يفرط فيها الشباب ويادوبك يتعاملوا معها على أنها فرصة وقت مؤقتة يفرغ فيها شهوته ببلاش وساعة الجواز يقول الجمل المحفوظة صم:

أنا خايف أرتبط بها لأنها سهلة وأعطتني من غير جواز.. أصل الفار بيلعب في عبي منها... إلخ، الكلام اللي بيبرروا به أنهم بعد ما ياخدوا يخلعوا ولا كأن.

وأكيد صديقتي تعرفي إن اللي بيحب واحدة بيحافط عليها، ويحترمها مش يجردها من شرفها، ويدعوها للزنا عشان مش عارف يبطل هو زنا، يعني بدل ما يستعفر، ويتوب ويمتنع عن الزنا ببنات الناس عاوز يحولك لمثله!!

وأنا أنصحك صديقتي إنك تفسخي الخطوبة دي وتنسي هذا الشخص الذي يمارس الزنا ويجاهر به بل ويدعو إليه، ولتعلمي أنه حرام أن تتزوجي مثل هذا الشاب لأن الله تبارك وتعالى يقول في كتابه العزيز: {الزَّانِي لَا يَنْكِحُ إِلَّا زَانِيَةً أَوْ مُشْرِكَةً وَالزَّانِيَةُ لَا يَنْكِحُهَا إِلَّا زَانٍ أَوْ مُشْرِكٌ وَحُرِّمَ ذَلِكَ عَلَى الْمُؤْمِنِينَ}.

كذلك صديقتي هذا الشاب ليس صريحا إنما مجاهر بالخطيئة وبالزنا والله لا يحب المجاهر فهل تحبينه أنت؟

وخطيبك هذا ظالم لنفسه بارتكاب الفاحشة التي قال عنها رب العزة: {وَلا تَقْرَبُوا الزِّنَى إِنَّهُ كَانَ فَاحِشَةً وَسَاءَ سَبِيلاً}. ولا يعني الزنا ممارسة الزواج دون شرع الله ولكن يكفي ما تصفينه أنت أنه وحش، وما لا ترضين به؛ لأن صلاتك وعلاقتك بربك لا ترضى لك ذلك.

وظالم لمن اعتدى عليهن بهذه الفاحشة، وإن كن مثله؛ لأنهن وافقن على ما أراد باسم الحب أو بأي اسم.

وظالم لك حيث من الواضح أنه لم يتمكن منك قبل الخطبة فتقدم للخطبة وهو في ذهنه يقنعك بما يقول، وليس في ذهنه الامتناع عن ما حرم الله إلا بحقه وهو الزواج.

وهذا الشاب أيضا ظالم للمجتمع حيث يحب أن تشيع الفاحشة في الناس بالكلام عنها والدعوة لها ولهذا الشخص بكلام الله وشرعه عذاب أليم في الدنيا والآخرة قال تعالى: {إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّـهُ يَعْلَمُ وَأَنتُمْ لَا تَعْلَمُونَ}.

خلاصة القول صديقتي:

حرم الله تبارك وتعالى زواج الزاني بالمؤمنة.

الله لا يحب المجاهر بالقول كما يقول خطيبك بالفاحشة فيمن عرفهم من قبل وفيما يرجوه منك الآن.

لهذا الشخص ومن معه عذاب في الدنيا والآخرة لما فعل في السابق وإن لم يستغفر ويتوب عنه، ولما يدعوك إليه الآن، ولحبه أن يكون من يعرفهم مثله ملعونون ومطرودون من رحمة الله ولهم عذاب في الدنيا والآخرة.

كلمة في ودنك صديقتي:

يقول الله تبارك وتعالى: {إِنَّ اللَّـهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ}. يعني ربنا سبحانه وتعالى لن يغير هذا الشخص حتى يغير هو من نفسه، فهل تقدرين على ما لا يقدر عليه الله؟!! ولا هتضحكي على نفسك وأنتي حرة

هذا شخص لن يطول .. هو بطبعه مش كويس

بارك الله فيك وفى طلتك ➸

نورت متصفحى بتعطيرك له وتواجدك➸

مشكووور ومتألق دايما ➸

يعطيك مليون عافيـــــة ➸

» قلبي ملكي ماهو بملك غيري
» زوجي بارد وتصرفات والده تخيفني .. ساعدوني!!
» الرجولة حنية واحتواء.. مش زعيق وخناق .... ساعدوني اعمل ايه