انا مش هخاف المرة دى ..... ضاع من عمرى سنين فى الخوف..!!

انا مش هخاف المرة دى .....

ضاع من عمرى سنين فى الخوف..!!

مش هكون انسان عادى ..

انا هتحدى اى ظروف ..

يمكن الكلام
اللى فوق ده من أغنيه ناس كتير تعرفها.....وكما علمت أنا الآن عند قرآة
الموضوع..واحببت ان انقله اليكم ..واعتذر عن اللغة العامية ولكن اعتقد
ستناسب كثيرا من الشباب

بس انهارده هنقوله بشكل مختلف ..

هنقوله واحنا قلوبنا بتصرخ راجعينلك يارب..

ازاى انا كنت خايف التزم كل الفتره اللى فاتت دى؟؟

انا مش هخاف المره دى !!

كتير
مننا ، بفضل الله وعونه ، سمع عن ربنا ، وأتعرف على كرمه وعدله ولطفه
بعباده ، وكمان عقابه وعذابه ، وقلوب كتير مننا متأثرة بالدين، ونفسها
تلتزم بتعاليم ربنا وبمنهجه ، بس المشكلة فى ...خايف ألتزم..ودى كلمة فى
لسان كتير مننا ، مع أختلاف الاسباب من شخص لأخر.

تعالوا نفتح
قلوبنا لبعض ، ونقطع الاتصال بالدنيا ، علشان نساعد بعض للوصول بإذن الله
تعالى لبر الامان ، فى المشهد الجميل ده ، اللهم لا تحرمنا أن نكون
بينهم...
قال تعالى

((يَوْمَ
تَرَى الْمُؤْمِنِينَ وَالْمُؤْمِنَاتِ يَسْعَى نُورُهُم بَيْنَ
أَيْدِيهِمْ وَبِأَيْمَانِهِم بُشْرَاكُمُ الْيَوْمَ جَنَّاتٌ تَجْرِي مِن
تَحْتِهَا الْأَنْهَارُ خَالِدِينَ فِيهَا ذَلِكَ هُوَ الْفَوْزُ
الْعَظِيمُ ))الحديد12

ونبدأ بسم الله...

بالاسباب المختلفه ..

خايف ألتزم لحسن أكون مش قدها و أرجع تانى وأكون فتنة لغيرى...!
طيب أنت عرفت منين إنك هترجع تانى ، يترى بتعلم الغيب؟؟
وبعدين فين ثقتك فى ربنا وتوكلك عليه ، فأنت عليك البدايه وعليه هو التمام،
وبعدين ربنا
قالنا إن اللى هيتعب شويه ويجاهد شهواته ، هيحس فى الاول بالتعب
وبالمجاهده ، وبعدين لما ربنا يشوف مدى إخلاصه وصدقه ، هييسرله كل الطرق
إليه.

.قال تعالى
((وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا وَإِنَّ اللَّهَ لَمَعَ الْمُحْسِنِين))
العنكبوت:69

ياااااااه ،
يالله ، قد أيه أنت كريم ، بتهدينا وتيسرلنا وكمان بتجازينا على أعمال ،
جلالك وحده هو اللى يسرلنا ذلك..اللهم لك الحمد والشكر
وبعدين لو بتقول إنك مش قدها ، طيب أمتى هتبقى قدها؟
واللى ألتزموا دول أحسن منك فى إيه؟؟؟
أنت مش نفسك يحبك ربنا ، أصل ربنا بيعطى الفلوس والعربيات والمناصب وغيرهم لمن يحب ومن لا يحب ، ولكن يعطى الهدايه لمن يحب فقط.
اللهم أجعلنا ممن تحب وأهدنا لما تحب وأجعلنا من عبادك الصالحين.

أثبت وأحسن الظن فالله ، فاللى مع ربنا ، ربنا مش ممكن يسيبه ،

قال تعالى ((وَهُوَ مَعَكُمْ أَيْنَ مَا كُنتُمْ وَاللَّهُ بِمَا تَعْمَلُونَ بَصير))
.
وكل ما توسوس لك نفسك أو حد من أصحابك ويقلولك كلها يومين وترجع ، قول كما قال موسى عليه السلام

قال تعالى
62الشعراء((((قَالَ كَلَّا إِنَّ مَعِيَ رَبِّي سَيَهْدِينِ)))

[ندعوك للتسجيل في المنتدى أو التعريف بنفسك لمعاينة هذه الصورة]

سبب تانى ..بس صلِّ على النبى الاول...عليه أفضل الصلاة والسلام
أنا خايف ألتزم لحسن أصحابى يتريقوا عليا ويعدوا دايما يفكرونى بالذى مضى..!
هقولك أنت بتلتزم علشان ربنا ، مش عشان أصحابك ،
وفين بقى ثقتك فى نفسك وأعتزازك بدينك ؟؟
لأن أصحابك اللى بيتريقوا دول مش بيعملوا حاجه صعبه ،
أى حد يقدر يشرب مخدرات ويكلم بنات ويعمل كل الذنوب ،
وكتير قبلهم عمل اللى بيعملوه ،
يعنى هما مش بيخترعوا الذره ،
لأن الشيطان بيساعدهم على كده ،
لكن الهدايه دى والله شرف وعزة وكرم ليك من ربنا ،
وأعرف إن أصحابك كلهم نفسهم يبقوا كويسين بس مش عارفين
ومش عايزين مؤقتا ،
وعلشان يرضوا ضميرهم يعدوا يتريقوا عليك ،
علشان يحسسوا نفسهم إنهم اللى صح وانت اللى غلط ،
وهما واثقين إنهم هما اللى غلط ،وبعدين كلها فترة وهتلاقيهم هما اللى بيقلولك متسبناش وخدنا فى طريقك ، وحط العبارة دى فى دماغك
الملتزم فى مجتمعه شعاع نور إن لم يستطع الشيطان إطفائه سلط عليه أصحابه.

خليك راجل وعندك شخصيه وكون أنت القائد للخير ،
ماحنا ياما كنا قواد فى الغلط ،
اللهم أغفر لنا وأرحمنا ، وخلى شعارك كما قال شيخنا محمد حسن يعقوب ، بارك الله فيه وفى أهله ، أثر ولا تتأثر.

سبب تاني بس يلا صلِّ على النبي تاني..عليه أفضل الصلاة واتم التسليم
أنا خايف ألتزم لحسن تحصلى مشاكل وكده..!

فأحب أوصل إن فكرة الملتزمين إنهم جماعات وأرهاب ، الفكره دى بفضل الله تكاد أن تكون أنتهت ،
وأنت مدام ماشى صح ، عمر ماهيحصلك حاجة
وأعرف ان النافع والضار هو الله ، مش الناس ،
صدقنى ممكن كتير من الناس أول ما تفكر إنك تلتزم يفضلوا ينصحوك إن كده غلط ويخوفوك ،
فأعرف إن الناس دى مسلطهم الشيطان عليك ،
وبقوا فى اللحظة دى من شياطين الانس،
لأنك ممكن وأنت مش ملتزم ، تحصلك مشاكل كبيرة ومصايب ،
أو ممكن تكون فى مكان ما ، وأنت فى معصية، ويشاء الله أن يكشف ستره ، ويتقبض عليك ،
وساعتها هتكون مصيبه وفضيحه كمان ،
يعنى مش الإلتزام هو اللى هيجبلك مشاكل ، وكل شىء مكتوب ، وقدرك هتشوفه هتشوفه ،
كما قال صلى الله عليه وسلم ((لا يؤمن عبد حتى يؤمن بالقدر خيره وشره ، حتى يعلم أن ما أصابه لم يكن ليخطئه ، وأن ما أخطأه لم يكن ليصيبه))

وعايزك تسمع الايات دى وتحطها حلقه فى ودانك، وأستشعر كل كلمه فيها.
قال تعالى:
((الَّذِينَ
قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ
فَاخْشَوْهُمْ فَزَادَهُمْ إِيمَاناً وَقَالُوا حَسْبُنَا اللَّهُ
وَنِعْمَ الْوَكِيلُ*فَانْقَلَبُوا بِنِعْمَةٍ مِنَ اللَّهِ وَفَضْلٍ لَمْ
يَمْسَسْهُمْ سُوءٌ وَاتَّبَعُوا رِضْوَانَ اللَّهِ وَاللَّهُ ذُو فَضْلٍ
عَظِيمٍ*إِنَّمَا ذَلِكُمُ الشَّيْطَانُ يُخَوِّفُ أَوْلِيَاءَهُ فَلا
تَخَافُوهُمْ وَخَافُونِ إِنْ كُنْتُمْ مُؤْمِنِينَ))آل عمران: 173-175

فلو هتخاف ، يبقى تخاف من ربنا وبس ، هو الملك ، هو اللى بإيده ينتقم من أى أحد، هو المعز وهو المذل ،
هو الذى أمره بعد الكاف والنون، فإذا قال كن فيكون ،
فمن وجد الله فماذا فقد ومن فقد الله فماذا وجد؟؟؟

سبب تاني ...صلىِّ على النبى أولا...اللهم صلِّ وسلم وزد وبارك عليه وعلى آله وصحبه أجمعين
أنا خايف ألتزم علشان حاسس إن حياة الدين دى خنقه ..!

هقولك ربنا أتكلم عنك وعن كلمة خنقه ، اللى أنت بتقولها ، ومثلك بالذى يصعد الى السماء ، فكل ما يطلع يقل التنفس ، فيحس بالخنقه.
حقيقة علمية (كلما ارتفع الإنسان في السماء انخفض الضغط الجوي وقلّت كمية الأكسجين مما يتسبب في حدوث ضيق في الصدر وصعوبة في التنفس)

فلو كنت شغلت عقلك وقولت لأ أكيد اللى هيبقى مع الملك ، مالك القلوب ، واللى وحده قادر ان يشعرها بالسعاده ، فكان هيشرح صدرك
قال تعالى
((فَمَنْ
يُرِدِ اللَّهُ أَنْ يَهدِيَهُ يَشْرَحْ صَدْرَهُ لِلإِسْلامِ وَمَنْ
يُرِدْ أَنْ يُضِلَّهُ يَجْعَلْ صَدْرَهُ ضَيِّقًا حَرَجًا كَأَنَّمَا
يَصَّعَّدُ فِي السَّمَاءِ))الأنعام: 125
.............
شغل عقلك وأحسبها صح ، فربنا قالك إن النساء والمال والدنيا مزينه فى قلبك ، واقلك برده ان اللى عنده أحسن وخير وأبقى.
قال تعالى
((زُيِّنَ
لِلنَّاسِ حُبُّ الشَّهَوَاتِ مِنَ النِّسَاء وَالْبَنِينَ
وَالْقَنَاطِيرِ الْمُقَنطَرَةِ مِنَ الذَّهَبِ وَالْفِضَّةِ وَالْخَيْلِ
الْمُسَوَّمَةِ وَالأَنْعَامِ وَالْحَرْثِ ذَلِكَ مَتَاعُ الْحَيَاةِ
الدُّنْيَا وَاللّهُ عِندَهُ حُسْنُ الْمَآبِ ))آل عمران14

واسمع قول الله تعالى :

((مَنْ
عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ
فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ
بِأَحْسَنِ مَا كَانُوا يَعْمَلُونَ))

يعنى فى الدنيا..هتعيش أحلى حياه.. (وما أجملها من حياة في طاعة الله )..
وفى الاخره..هتلاقى الثواب الجزيل والجنه باذن الله..

الاسباب اللى الشيطان هيخوفك بيها كتيييييييير ..
بس انا واثق انك قدها وقدود ..
وانك بعد ما عرفت الطريق الصح..عمرك ما هتخاف انك تمشى فيه..!

احسبها صح وشوف انت عايز ايه..؟
احسبها صح وأعرف نهاية طريقك أيه؟؟

احسبها صح هتعيشها صح...

أحسبها صح وأعرف إنك محتاج إليه...
وهيجى يوم وتقف بين إيديه !

ويسألك عن كل حاجة عملتها..
عن كل آية سمعتها وبدلتها

دى الحياه لعبة لعبها كتير غيرك..!
أنتهى دورهم.. ودلوقتى جه دورك

جنة ونار ..وليك الأن الإختيار..!
متقولش بكرة ..ممكن تموت اخر النهار.......

» سامحنى ياحب عمرى
» مع همس الحبيب حمل كتاب التعايش مع الخوف
» حصريا علي همس الحبيب تحميل كتاب التعايش مع الخوف