طريقة عمل فراخ مشويه بالبرتقال

[ندعوك للتسجيل في المنتدى أو التعريف بنفسك لمعاينة هذه الصورة]



طريقة عمل فراخ مشويه بالبرتقال


طريقة سهلة ولذيذة جدا جربوها وقولو رأيكم فيها

المقادير:-

2 ملعقة صغيرة سمن
2 ملعقة صغيرة برتقال مبشور
2 ملعقة صغيرة توابل(كركم : كاري: بابريكا: كمون :حبهان )
ملعقة صغيرة زنجبيل
1/4 ملعقة صغيرة فلفل أسود
ملعقة صغيرة ملح
1/2 برتقالة مقسومة نصفين

ودي بقي طريقة التحضير :-

1- أحضري طبق صغير واخلطي فيه المكوّنات الآتية: السمن وبشر البرتقال والزنجبيل والفلفل و التوابل و الملح .

2- أحضري الفرخة واغسليها كويس، وسيبيها لمدة ربع ساعة في مصفاة علشان تصفي أي مية فيها.

3- بعد كده أحضري الفرخة وابدئي في عمل تجويف باستخدام أصابعك بين الجلد واللحم في جميع أجزاء الفرخة، مع عمل شقوق باستخدام السكينة في منطقة الصدر والأوراك، ووزّعي الخليط اللي عندك كويس بين الجلد واللحم وداخل الفرخة، بالإضافة أنك داخل الفرخة هتحطي البرتقالة المقسومة نصفين.

4- سيبي الفرخة لمدة ساعتين علشان تتبل كويس وكل اما تزيد المده بتتبل اكتر وطعمها بيبقى احلى ، وبعد كده دخليها الفرن على درجة حرارة متوسطة وسيبيها لغاية ما تستوي.

5- بعد ما تستوي خرّجيها وحطيها في طبق التقديم.

ملحوظه ... لو معندكيش من التوابل دى كلها فى البيت ممكن تكتفى ببعضها او بالمكونات المتوافره عندك .. بألف هنا